Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր
Չորեքշաբթի, 11 Սեպտեմբեր 2013 20:56

Հիմնականօրէն բարենորոգւեց «Սասունցի Դաւիթ» սրահի յատակը

Rate this item
(1 Vote)

    Արդէն նախապէս տեղեկացրել էինք, որ շուրջ երկու տարի առաջ Թեհրանում տեղացող սաստիկ անձրեւների հետեւանքով, Հ.Մ.«Արարատ» Կազմակերպութեան «Արարատ» մարզաւանի «Սասունցի Դաւիթ» սրահի տանիքի տարբեր տեղերում առաջացել է խորշեր որոնց պատճառով սրահի յատակը վնասւել էր։

 

 

    Արդիւնքում որոշւեց հիմնականօրէն բարենորոգւի 40 տարի դիմացող սրահի յատակը:

    Թէեւ սկզբնական նորոգումներ կատարւեցին, սակայն դա չէր կարող ծառայել որպէս մարզական փորձերի եւ խաղերի յատակ։ Այդ իսկ պատճառով, վերջին շաբաթների ընթացքում հիմնական աշխատանքներ են կատարւում «Սասունցի Դաւիթ» սրահի յատակը բարեկարգելու համար։

    Իմանալու համար թէ ի՞նչ է կատարւում սրահում,  խօսեցինք մարզաւանի վարիչ մարմնի նախագահ՝ ընկ. Նորիկ Մանասերեանի հետ, եւ ստացանք հետեւեալ բացատրութիւնները.՝

    «Գիտէք որ «Սասունցի Դաւիթ» սրահի յատակի փարքեթը երկար տարիներ էր, ինչ նորոգութեան կարիք ունէր, կատարւեցին երկարատեւ ուսումնասիրութիւններ, որոնց ընթացքում առաջարկութիւններ եղան փարքէթը ամբողջութեամբ փոխելու մասին, սակայն մեծածախս լինելու, պատճառով աւելի խորը խորհրդակցութիւններ կատարւեցին մասնագէտների հետ, եղածը նորոգելու համար։

 

Փառքեթների վերանորոգում

   

    «Ուստի յանձնախումբը կատարեց ուսումնասիրութիւններ ու անցաւ գործնական աշխատանքի,առաջին հերթին նորոգւեցին, վերամշակւեցին  եւ փոխւեցին շատ վնասւած բաժինները, եւ մասնագէտօրէն, կատարւեցին անհրաժեշտ նորոգութիւնները, հարթւեց յատակը, քաշւեցին մի քանի շերտ յատուկ իւղեր, թափանցիկ ծածկոցներ եւ քլեր, փարքէթների վրայ, եւ ահա նորոգութիւնները հասել են աւարտին։

    Լիայոյս ենք կատարւած բարեկարգումները մի քանի տարիներ կը ծառայեն մեր մարզական խմբերին որպէսզի ունենան վստահելի եւ ամուր յատակ իրենց փորձերն ու մրցոյթները անցկացնելու համար։»

 

Հայ Մշակութային «Արարատ» Կազմակերպութիւն

Last modified on Կիրակի, 15 Սեպտեմբեր 2013 10:48